LLOJI I ANKESAVE
Çdo shtetas shqiptar apo i huaj, person fizik/juridik, publik apo privat, mund të adresojë pranë Agjencisë së Mbikëqyrjes në Sistemin e Ekzekutimit të Vendimeve Penale ankesa për shkelje të ligjit, cënimin e të drejtave të paraburgosurve dhe të dënuarve me burgim, personave nën mbikëqyrje nga Shërbimi i Provës, respektimin e të drejtave dhe të lirive themelore të tyre, shkelje të ligjit/akteve nënligjore e Kodit të Etikës gjatë dhe për shkak të ushtrimit të detyrës nga punonjësit e Drejtorisë së Përgjithshme të Burgjeve, punonjësit e institucioneve të ekzekutimit të vendimeve penale, punonjësit e Policisë së Burgjeve, punonjësit e Shërbimit të Provës. Agjencia ka përgjegjësinë e administrimit dhe regjistrimit të çdo ankese që i adresohet asaj apo subjekteve të përcaktuara në ligj.
Kur ankesa për punonjësit adresohet pranë Institucioneve të Ekzekutimeve Penale, Drejtorisë së Përgjithshme të Burgjeve ose Shërbimit të Provës, Agjencisë i dërgohet menjëherë kopje e ankesës. Në të gjitha rastet e mësipërme, Agjencia ka të drejtë të kërkojë informacion të thelluar për hetimet e kryera nga strukturat përkatëse ose të nisë kryesisht hetim për çdo ankesë që e gjykon të arsyeshme.
Ankesat dhe informacionet e publikut ndaj punonjësve të policisë së burgjeve, administratës së burgjeve dhe Shërbimit të Provës vlerësohen dhe trajtohen si informacion i ligjshëm i Agjencisë dhe sipas përmbajtjes e rëndësisë, u nënshtrohen procedurave monitoruese ose hetimore. Agjencia është përgjegjëse për vlerësimin dhe trajtimin e ankesave në përputhje me Kodin e Procedurës Administrative.
Krye e formularit
Emër
Mbiemër
Email
Denoncimi Juaj
Fundi i formularit
Për trajtimin e ankesës, Agjenci kryen këto detyra:
- siguron kushte teknike dhe administrative në nivel qendror dhe vendor për depozitimin e ankesave dhe informacioneve.
- administron, verifikon dhe trajton ankesat/informacionet ndaj subjekteve të sistemit të burgjeve, duke përfshirë edhe rastet kur këto publikohen në media, rrjete sociale apo forma të tjera të komunikimit;
- realizon një trajtim konfidencial, të paanshëm dhe në mbrojtje të lirive e të drejtave themelore të njeriut duke ruajtur integritetin e palëve.
Agjencia vendos për mosverifikimin dhe arkivimin e praktikës në rastet kur:
- veprimet dhe/ose mosveprimet e raportuara tregojnë haptazi se nuk përbëjnë shkelje të ligjit, akteve nënligjore dhe Kodit të Etikës;
- ankesa është e përsëritur dhe është trajtuar më parë nga ana Shërbimi.
Ankesat anonime pranohen nga Agjencia dhe verifikohen në varësi të përmbajtjes së informacionit të dhënë nga ankuesi.